نور حبي الذي قتلني

حبي الذي قتلني!!!!!!!!!نور
هذه هي قصة حب حقيقيه ارويها لكم لاني عشتها على الواقع واسردها بطريقه دراميه فتابعوا معي ...........
عندما تفتحت عيناي على الدنيا وانتهى عهد الطفوله وحان وقت مصارعه اهوال الدنيا واصبحت شابا مسئولا يعتمد على نفسه. دخلت حياتي فجأة لم ادري كيف ولماذا تعلقت بها كانت ((نور)) شقيقه احد اصدقائي ونسبة للعلاقه التي بيني وبين اخيها الاكبر((عماد)) كنت ازورهم في المنزل واراها وتراني ولم افكر يوماً في الارتباط بها
وذات يوم جائتني رساله من جوال صديقي عماد يقول لي فيها(تعال بسرعه عايزك ضروري). تفاجأت بالرساله وانطلقت نحو نزل عماد وانا اتنمى ان يكون( الحاصل خير) وصلت الى باب المنزل وطرقت الباب وتفاجأت بـ نور تفتح الباب قائلة(اتفضل) فقلت لها (عماد موجود) فاجابت(لا) اندهشت من اجابتها وقبل ان ارد بكلمه قالت( يعني مابتجي الا لي عماد .. مافي ناس بيعزوك وعايزين يشوفوك غير عماد) وواصلت ( انا اللي رسلت ليك الرساله ما عماد وناس البيت مافيشين بس في زول جوا بتعرفو قاعد وهو اللي اداني الفكره دي عشان اقدر اشوفك) اصبحت في تلك اللحظات في حالة لاشعور وانبهار لا افهم مايحدث ولكنني قررت ان ادخل لارى من ينتظرني ....................
وعندما دخلت وشاهدت من بالداخل لم اصدق عيني انها(توته) ابنه خالي الوحيده وهي مخطوبه اخي الاكبر واعتبرها اقرب الناس الي نسبة لان ليس لدي اخت فهي كأختي..
دخلت وسلمت قالت (اقعد واقف ليه) فجلست في صمت رهيب وتوهان تسحبت نور وخرجت من الغرفه من دون ان احس بها .بادرت توته الحديث بقولها( بتبالغ يامحمد في ناس بيحبوك وانت ماحاسي بيهم) جاوبت (ناس منو ؟؟ وكيف ماحاسي) فقالت (شوف نور دي صاحبتي من زمان وليها فتره بتلمح لي ودعمتك امبارح جانا وماسلم ودعمتك لاقيتو في المواصلات عمل ماشايفني وو... وكلام كتير وانا ماكنت فاهماها .الليله ضربت لي قالت لي تجيني ضروري عايزاك فقمت جيت ليها.. وانا استمع اليها وانصت بحذر حتى لاتخرج مني كلمه في غير محلها ..وواصلت حديثها ... قامت قالت لي بي صراحه ياتوته انا ودعمتك ده معجبه بيهو وبحبو وعايزاك تكلميهو ...قلت ليها جدا ماعندك مشكله انا بكلمو بس رايك شنو نجيبو هنا ووانا اكلمو وبعداك نشوف رايو شنو...قالت خلاص وقامت رسلت ليك الرساله من رقم عماد وانت جيت .. يلا ادينا رأيك) في تلك اللحظه اتت نور حامله العصير وناولتني نظرت اليها نظرة استغراب ولم ادري ما اقول جلست نور بجانب توته وبدأن يتوشوشن .. فقلت لهم (عن اذنكم جاي هسع) حملت كوب العصير وجلست في ((الحوش)) افكر وانا مندهش ومحتار ماذا افعل في هذه الحكايه الحاصله وبعد تفكير مظن دخلت اليهن وقلت( شوفو ياجماعه الموضوع ده خلوهو شويه وادوني كم يوم وانا بديكم رد) فسارعت نور ( ودي دايره تفكير ؟ لكن براحتك عندك 3 ايام) قلت (اوكي .... خلاص انا ماشي ) فقالت توته( اصبر انا زاتي ماشه معاك) فقلت(خلاص قومي يلا عشان الزمن ) وخرجت من دون ان اقول لنور مع السلامه من شده الدهشه التي كانت تسيطر علي ... خرجت توته وفي الطريق الى البيت قالت ( بيني وبينك انت هسع مايل لي شنو؟) فرددت( والله يا توته نور بت مؤدبه وجميله والف مين يتمناها وانا ماعندي مانع بس انتي لوكان جبتي الحكايه بطريقه اظرف شويه كان ممكن اقدر احدد لكن انتي هسع ختيتيني في احراج وبعدين انا خايف لو ارتبطنا تؤثر على علاقتي مع عماد اعز اصدقائي ) فقالت (لا ماتخاف عماد ده انا بدبرو بس انت قول خير وربنا يسهل) فقلت (خير وانا حارد عليها طالما هي بقت جريئه انا حارد عليها بنفس الجرأه ) فقالت (تمام)
وصلت الى المنزل واتجهت الى غرفتي بسرعه اغلقت الباب اطفأت الانوار وجلست اقلب الموضوع في راسي ومازلت افكر ولم استقر على رايي فاذا بالمنادي ينادي حي على الصلاه ... ذهبت الى صلاة الفجر وانا عائد من المسجد وصلتني رساله من رقم غريب تقول ( ماتفكر كتير وماتساهر لانو ردك معروف وظاهر من ردة فعلك) اضطربت من تلك الرساله حاولت ا لاتصال بالرقم ولكن لم يجب احد انتظرت حتى اصبح الصبح وانطلق نحو منزل خالي وجدت توته خارجه نحو الجامعه فاستوقفتها وقلت (تعرفي الرقم ده) واعطيتها الرقم فقالت (ااااااي بعرفو وماحاوريك لانو مفروض تفهمها وهي طايره) فتاكدت ان صاحب الرساله هو نور وهي تحاول ان تبلغني انها تعرف ردي مر اليوم الثاني مثل سابقه وفي صباح اليوم الثالث و الاخير في (المهله) ذهبت الى مدرسة البنات الثانويه وانتظرت حتى خرجت نور من المدرسه وعندما رأتني كادت ان تطير من الفرح وجأتني مسرعه وقبل ان تسلم قالت (اها قررت شنو؟؟) فقلت(كدي اصبري والكلام هنا مابينفع .. ارح معاي وذهبنا الى الكافتيريا جلست بجانبي فقلت لها( شوفي يانور والله انا من زمان عندي عاطفه تجاهك بس ماكنت اقدر ولا اتخيل انو انا في يوم من الايام حاقعد معاك واقدر اصارحك لانو انتي اخت اعز اصدقائي ) صمت قليلا وحدقت بي ثم قالت( محمد انا لوما عماد ماكنت عرفتك واتحداك انو عماد ماحيكون عقبه في طريق حبنا بس احنا نبدأ الطريق والباقي على الله) اعجبني كلامها واتفقنا على ان يبقى حبنا سرا بيننا حتى اصارح عماد واطلبها رسميا من والدها عدت الى المنزل ووجدت(توته) بانتظاري اخذتني جانبا وقالت اها عملت شنو وقررت شنو فقلت( خلاص اتفقنا انا ونور وحبنا حيكون سري لما اكلم عماد ) فقالت (برافو عليك كده تعجبني بس حكاية تكلم عماد دي خليها شويه) قلت ( ربنا يسهل ) مرت الايام ولم يمر يوم لم ارى فيه نور اواتحدث معها حتى ولو كان بالجوال وعشت اياما لم تمر في حياتي اجمل منها وفي يوم من الايام اتصلت بعماد وتحدثت معه واثناء حديثنا جاءت نور لعماد وقالت(بتتكلم مع منو) وكأنها احست بي فقال لها( محمد ) فقالت( اديني ليهو ) فذهلت من تصرفها ومااذهلني اكثر تصرف عماد حيث قال( هاك بس ماتطولي) وتحدثت معي نور بمنتهى الراحه وكأننا وحدنا . دخلت في حاله من الرعب لان عماد يستمع الى كلامنا وهذا قد يؤدي الى فقداني اعز اصدقائي بعد ان انتهت نور من حديثها سلمت الهاتف لعماد ففجأني بقوله ( اها ياابو النسب اخبارك شنو؟) اصابني كلامه في مقتل لانه يعني انه يعلم كل شئ وانه سيحس فيني النداله فقلت ( والله ياعماد انا كنت عايز اكلمك بس هي قالت لي اخر شويه) فضحك وقال( ياعوير نور كلمتني قبل ماتكلم توته بنت خالك ولو ما كده انا ماكنت خليت تلفوني اليوم داك في البيت عشان ترسل منو الرساله ليك) لم ادري في تلك اللحظه اضحك ام ابكي ام ازغرد ام مااذا افعل .. ثم واصل عماد( وانا لو ما مطمن علي اختي معاك ماكان خليت الحاصل يحصل فهمت) فاجبت( فهمت ونور في عيني الاتنين يلا عماد مع السلامه) عندا انتهت المكالمه احسست بعبء كبير قد انزاح عن صدري بعد ان اكتشفت ان عماد يعلم كل شئ ..

هكذا اصبحت لااخشى من شئ واصبحت قصة حبي ونور معلنه في كل المنطقه فسميت بـ(مجنون نور) مرت ثلاث سنوات على بدايه حبنا انا ونور
قررت ان اتقدم لخطبتها وانا لم اكمل ال17 من عمري ومازلت ادرس وكان رد اهلي مريحا للغايه عندما تقبلو الفكره وايدوها واتصل والدي بوالدها ليححدا ميعادا لنتقابل فيه
وعندما جاء اليوم الموعود تحركنا نحو منزلهم وصلنا في جو اسري رائع وكان عماد غير موجود فهو في بعثة دراسيه بماليزيا اتصلت بعماد اخبرته فزغرد في الهاتف وقال لي مبرررررررروووووووك بدانا التحدث وبعد تشاور ليس بطويل قال والدها ( والله يامحمد انت راجل ماشاء الله وانا لو قلبت الدنيا قلب ماحالقى لي بتي احسن منك عشان يصونها ويرعاها ونور من هسع ماحتتزوج غيرك ونور ليك من الان لكن بس انتو لسع صغار انا بقترح انو تكملو الجامعه بي قولةخير وبعد ما تتخرجو نعقد طوالي وتكاليف العرس علي من هسع) وبادر والدي( وانا سكنكم علي والبيت جاهز من هسع) لم تعجبني الفكره رغم انها كانت مغريه جدا لانها سستضطرني لانتظار اربع سنوات حتى اتخرج لكي اظفر بحلم عمري(نور) ولكن من باب الاحترام ولان والدي ووالد نور اتفقا على هذه الخطوه وافقت عليها وعدنا الى المنزل ولكني لم اكن مرتاحا نفسيا من هذه الفكره تقبلت الامر الواقع وذهبت على امل ان يتراجع اهلنا عن الفكره ولكنهم ظلو يصرون عليها .
مرت الايام ومضى العام تلو الاخر وانا ونور نعيش قصة حب لم يعشها احد في السابقين ولن يعشها احد في اللاحقين . بعد مرور عامين على الاتفاق واثناء ماكنت في رحله ترفيهيه الى الاسكندريه جائتني رساله على الجوال تقول(( الحق نور قبل ماتضيع منك)) قلبت تلك الرساله كياني وزلزلت اركاني حاولت الاتصال بالرقم ولم يجب اتصلت بنور فلم ترد جلست في حيرة من امري وفجأه تذكرت توته قلبت الجوال اين رقم توته فلم اجده اتصلت باخي الاكبر (قيس) واخذت منه رقم توته اتصلت بتوته ولكن للاسف لم تكن ترد علي . انتابني شعور بان هناك شئ ما يحدث نور لاترد وتوته لا ترد ماذا حصل لنور يا ترى؟
قطعت عطلتي ورحلتي وعدت الى السودان لارى ماذا يحدث من خلفي ولم اعلم اهلي بوصولي ومن المطار اتجهت نحو منزل نور فتفاجأت بوجود عربه فارهه امام باب المنزل طرقت الباب فتح والدها فقلت( السلام عليكم .ازيك ياعمي كيف اخباركم) تفاجأت بانه لم يقل لي(خش) كالعاده ثم تنهد قائلا( والله يابني الحياه قسمه ونصيب والزواج برضو وبنتي نور اتضح انو ماعندهانصيب معاك ونصيبها جاء لغايت عندها فانت امشي شوف نصيبك وين) وعاد ادراجه دخل لى منزله واغلق الباب لم افهم مايحدث ماذا يجري اين نور وعن اي نصيب يتحدث طرقت الباب بقوه فلم يجب احد وسمعت والدها يصيح(سيبوه ده مجنون ساكت) وسمعت الضحكات تتعالى حرقت تلك اللحظات قلبي واعصابي تحركت نحو المنزل لعلي افهم ما يحدث او اجد جوابا شافيا طرقت الباب دخلت الى المنزل تفاجأ اهلي بعودتي قبل ان اكمل حتى ربع اجازتي وقالت والدتي بتعجب(محمد!!! الجابك شنو هسع مالك؟) فرددت ( نور مالها الحاصل شنو؟) تحدثت امي بلهجه غريبه حتى احسست انها تخفي شيئا عني فقالت( لا لا مافي حاجه ونور كويسه كدي تعال اقعد ارتاح شويه) جلست وانا تزيديني الثانيه تلو الاخرى خوفا مما يجري وانا الااعلمه وفي تلك اللحظات فاذا بتوته تدخل عليناوتتفاجأ عند رؤيتي وتصيح(محمد!! اصلو ماممكن جيت متين؟) فأجابت امي( جاء هسع اقعدي يا تهاني (توته) ) لم اتحدث معها وكنت شارد الذهن حتى ذهبت امي لتحضير العشاء فقلت لها ( توته الحاصل شنو؟ نور مالها ؟ انا مشيت ليهم وابوها قال لي كلام غريب نصيب وما عارف شنو كده فهميني!!!!) بكت توته وقالت ( والله يامحمد ماكنت متوقعه انو اكون انا اللي تجي تقول ليك خبر زي ده في يوم من الايام) انتابي شعور بالقعشريره من كلامها واسترجعت( خبر!!!!!!! خبر شنو؟ وريني) فقالت( نور اتقدم ليها واحد مغترب ومرتاح وابوها وافق عليهو والخطوبه يوم السبت الجاي) لم ادري ماذا اقول ولكن بثقة المحب رددت(لكن نور مستحيل تقبل بي حاجه زي دي) فتنهدت ثم قالت ( انت زينا مخدوع زيما كنا مخدوعين فيها) لم اصدق ماتقول وقلت(يعني شنو؟ وافقت؟ مستحيل!!!) فأجابت( ايوه ادتو موافقه مبدئيه ) فقلت لها( كتر خيرك يا توته ماقصرتي) وقمت لاخرج اريد ان اذهب لاي مكان اشم فيه هواء نقيا لا اجد فيه رائحة نور ولكني لم اجد حتى البحر كانت مياهه ممزوجه برائحتها لاننا لطالماجلسنا على ضفافه نعيش لحظات الغرام .
ومنذ تلك اللحظات التي علمت ان نور باعتني بالمال لم اعد الى منزلنا الذي بقربهم ورحلت اغراضي لاجلس مع بعض اقاربي بعيدا عنهم لعلي استطيع نسيان تلك الايام الجميله التي اصبحت على امر من العلقم كلما اتذكرها
وقد اقسمت بعدها الا اعرف اي انثى غير امي التي ولدتني ومحارمي فقط والا وان تكون علاقتي مع بنات حواء مثل علاقه الماء والنار حتى ان وصل الامر الى ان اعيش بدون زواج حتى اموت وينساني اهلى حتى لايبقى لهم ذكرى بعد وفاتي
وهكذا قتلتني نور حياً فهل يعقل ان اعيش مع هذا الجنس ثانيةً.؟؟؟؟؟؟؟؟؟؟؟؟؟؟؟؟؟؟؟؟؟
مع تحياتي
رجل المستحيل2009
0923369685